نظر لها بذهول ليتساءل بتعجب
_ودة ليه ان شاء الله؟ اوعى تقوليلى مغرمة ومعجبة وحب من خامس نظرة والكلام الفاضى دة؟
نفت برأسها وهى تجيبه بهدوء ورقة لم يعتد عليها
_لا بصراحة كدة جيت علشان اعتذرلك
حول انظاره جهتها بصدمة متسائلا بذهول
_تعتذريلى؟!! ودة على ايه ان شاء الله؟؟
اومأت برأسها تجيبه بتوضيح
_اه اعتذرلك، انا مش مستهترة ولا انا مجنونة علشان اسوق كدة ولا كنت قاصدة اخبطك بس انا كنت متخانقة خناقة جامدة مع اهلى و ماكنتش شايفة قدامى من غضبى وزعلى بس كدة ف سوقت بسرعة
مط شفتيه ليجيبها بلا مبالاة
_والله انا مش مهتم باللى حصل معاكى ولا اللى فى دماغك، فى النهاية دة موقف وعدى واتنسى
مطت شفتيها تجيبه ب استياء
_يعنى مش مسامحنى؟؟
استرعى الامر انتباهه ليتساءل بتعجب
_انتِ مهتمة اوى ب انى اسامحك ولا لا ليه؟
نظرت ارضا وهى تحرك قدمها فى شكل دوائر صغيرة وهى تجيبه بهدوء حزين
_مش موضوع اهتمام، موضوع فيه كلمه قلتها وجعانى اوى ف فدماغى انك لو سامحتنى انها ممكن تتشال من دماغى
قطب جبينه ناظرا جهتها بتعجب ممزوج بتساؤل متسائلا بفضول
_وياترى جملة ايه دى ولا كلمة ايه؟
_انى ممكن بسبب استهتارى دة اكون سبب فى موت طفل وحرمانه من الحياة وان لولا ستر ربنا كنت زمانك تحت عجل عربيتى