اتسعت عينيها بإدراك فى حين ضحكت كلتاهما عليها ليهتف هو بضيق وهو يستمع الى ضحكاتهم الصاخبة
_انتو بتضحكو على ايه؟
نفت شهد برأسها بإبتسامة بالكاد تحافظ عليها صغيرة ليهتف بهم بضيق وهو يرفع سبابته بتحذير
_لحد ما اروح لا همس ولا لمز ولا ضحك، خلى اليوم اللى مش عاوز يخلص دة يعدى بدال ما اروحكم مشوهين، وقد اعذر من انذر
ضحكو هم عليه بشدة وقد كانو بالفعل لا يصدقو قوته هو خصيصا معهم ولا مليقوله فهو يظل الارق والاحن عليهم على الاطلاق حتى وان لم يتحدث كثيرا ليحول انظاره بينهم ودون شعور منه ابتسم بضيق وهو يحرك رأسه بيأس
ــــــــــــــــــــــــــــــــــــــــــــــــــــــــــــــــــ
تحرك بعد انتهاء تلك الندوة الطبيه ليجدها تقف امامه تشير له بيدها بمشاكسة، نفح بفمه بضيق وتحرك للابتعاد ولكنه وجدها تتحرك لتقف امامه، حرك رأسه للجهة الاخرى بضيق ليعود ينظر اليه متسائلا بسأم
_خير؟؟
_استفدت من الندوة يا دكتور؟
نظر لها بجمود ليجيبها بضيق
_المفروض
ثم حاول التحرك للذهاب ليجدها تقف امامه ثانية لينفخ بضيق ثم هدر بها بسأم
_هو انتِ عاوزة منى ايه؟؟ هو انتِ ماشية ورايا؟؟
ابتسمت له بهدوء لتجيبه ببساطة
_بص هو انا فعلا المرة دى جاية وراك، انا مكانش وظيفتى انى اجى هنا ولا حتى انى احضر الندوة دى بس انا طلبت من واحدة صاحبتى احضرها علشان اقابلك