_دكتور آدم فيه حاجة حصلت؟ هو الدكتور قال حاجة ضايقتك؟
نظر لها لينفخ بفمه بضيق ثم تمتم بسأم
_ماهو لو ننشف شوية ونبطل الرقة لكن ابدا لازم نلم خلق الله علينا كدة
نظرو لبعضهم بتعجب وهم يرونه يتمتم مع نفسه بكلمات غير واضحة ليضج السؤال داخلهم اعلى ماذا قال هذا الرجل له ليضحى آدم المنشاوى هكذا؟ لتقول شهد بتساؤل
_هو قالك ايه يا آدم ضايقك كدة؟ مش عوايدك انك تتعصب وتبرطم
اتسعت عينيه ليجيبها بضيق غاضب
_مقالش
ثم وجه انظاره لتلك التى تطالعه بعيون قططية بريئة ترغب فى التوضيح لقترب منها ثم همس بضيق شديد
_ملك بلاش تبتسمى للى رايح واللى جاى ارجوكِ، ويكون احسن بلاش تكلمى حد احتراما على الاقل لوجود راجل جنبك
ناظرته بجهل وهى ترمش بعينيها ببراءة قاتلة ضربته فى منتصف صدره وهو يفهم ب أن سذاجتها الواضحة وعقلها البرئ لن يوصلو لها ما يقصد ليشيح بيده بضيق ثم ضرب الزر ليأتى المصعد
لتلف هى بعينيها تنظرت لشهد بتعجب تنتظر توضيح لما يحدث لهذا الرجل وهذا التحول العجيب بتصرفاته لتميل عليها الاخرى موضحة بمرح
_الدكتور كان بيسبلك يا فالحة وانتِ ولا انتِ هنا، وطبعا دة ضايق العرق الصعيدى اللى فى الباشا وحس انه شبه رجل الكنبة معانا، فهمتى؟