_قوم معايا يا سليم انا عاوزك، تعالى نتمشى فى الجنينة شوية
رفع سليم حاجبيه ذهولا من تصرفاته الغريبة تلك وهو يقول ببساطة
_انا تعبان ومش قادر امشى
ثم أكمل بحماس
_وبعدين كان عندى خبر جديد ل عمى على هو عارف انه
_شطرنج
صرخ بها ماجد بحماس مفتعل وهو يكمل
_تعالى لاعبنى دور شطرنج يلا بسرعة
نظر له على بذهول من جنانه هذا ليتساءل بتعجب
_فيه ايه يا ابنى ما هو قاعد معانا، مالك عاوز تاخده ليه؟
فى حين وعت ميرفت لما يحدث لتقول بتعجب
_وبعدين بتقطع عليه فى الكلام ليه؟ الواد عاوز يقول حاجة وانت بتوقفه حتى اننا مش عارفين نسأله عن اخوك
كز على اسنانه وهو يجد ان والدته قد وعت لنظراته وافعاله وهذا الغبى امامه مازال يناظره بمنتهى الغباء ليقول
_مفيش يا ماما، بس فيه حاجة عاوز اكلمه فيها
ثم طحن اسنانه قائلا
_كلام شباب واصحاب بقى
نظر له الاخر ليقول
_بس انا كنت عاوز افرحه
قاطعه بسحبه بعيدا وهو يقول بغيظ
_ابقى فرحهم بعدين، تعالى اطحنك انا
نظر له الجميع بتعجب ليضحك على بسخرية وهو يعى مايحدث جيدا ولكنه صمت فقط حتى لا تعى زوجته لاى شئ وكذلك ابنته ف مايريده كبير المنشاوية اكبر من ان تستوعبه ابنته واقسى من ان تتحمله زوجته المصون
ــــــــــــــــــــــــــــــــــــــــــــــــــــــــــــ
والخيوط بدات تجتمع والاساس واحد احفاد المنشاوى واساس المنشاوية وكلا قلبه يان بعشق محبوبته اذا ماذا يهبئ القدر لاحفاد المنشاوى وقلوبهم التى تأن، وهل سيستطيع العجوز تجميع عقدهم المنفرط ام ماذا؟
هذا ما سيتوضح بالفصول القادم