نظرة زاجرة كانت من نصيبها لتجدها تقول بتحذير
_ما اسمعش الطريقة دى وهو موجود، عاوزاكى تروحى تاخدى دوش كدة وتنضفى ولما ييجى تستقبليه احسن استقبال
قطبت جبينها متسائلة بتعجب
_وده ليه ان شاء الله؟
نظرت لها ميرفت بضجر وهى تقول بسخرية
_وعلى اساس انِك مش عارفة انه بيحبك وعينه منك من زمان؟
اتسع فم نرمين ببلاهة وهى تتساءل بتعجب
_وهو حضرتك مادام عارفة بتعملى كدة ليه؟ مش انتِ عارفة انه بيحبنى ومهتم بيا ليه اهتم بيه وهو مش فى دماغى؟ كدة هديله امل
اومأت ميرفت برأسها مجيبه ببساطة
_هو دة اللى انا عاوزاه تديله امل من غير ولا كلمه اكيدة، يعنى عاوزاكى تدوبيه فى حبال الهوى الدايبه
نظرت لها بتعجب لتقطب جبينها متسائلة بضيق
_اه ماشى بس ليه؟
نفخت والدتها بفمها بضجر قائلة بضيق
_هو كل حاجة لازم اوضحها؟ مفيش عندك مفهومية او انك تفهميها وهى طايرة؟
ثم نظرت لها لتقول بتوضيح
_حضرتك احنا بنتمنى آدم لانه اكيد هيبقى كبير العيلة وكل حاجة فى ايده لكن بعد اللى طيبنتيه دة مظنش هيوافق، بس لازم برده نفضل معاه على الخط وافق كان بها موافقش يبقى معانا البديل اللى ميقلش كتير عنه وهو سليم ابن عمك اللى ماسك ادارة مستشفى كبيرة فى الصعيد، ودكتور، وابن الابن البكرى ل عبد الرحمن المنشاوى، وفوق كدة وكدة بيحبك وبيموت فيكِ، نفع آدم تمام منفعش يبقى مخسرناش حاجة معانا البديل، وفى كلا الحالات مخسرناش