نظر داخل مقلتيه قائلا بجدية
_مع تخطيط مرات عمى هيوافق
نفى برأسه قائلا بهدوء
_لا ابدا، صدقنى نرمين بالنسبة ل آدم مش الشخصية اللى هتخطف قلبه، آدم انا عارف ومتأكد ان كل العيلة مش فى دماغه، بنات عيلتنا كلهم اخواته، آدم زى مايكون بيدور على واحدة من عالم تانى بصفات تانية، كلهم مش قادرين يخلقو حتى شرارة بسيطة يمشى وراها
ثم هز كتفيه يجيبه بجمود
_وزى ما انت شايف هو بارد معاهم كلهم، مش مهتم بيهم، لكن لو واحدة فى دماغه هتلاقيه بيهتم بيها، مش زى ما نرمين وقعت من فترة قدامه مد ايده وقفها ونده عليها اهتم بيها وسابنا ومشى بعد ما سأل ان كنا محتاجين حاجة؟ لو فيه مشاعر هيبقى فيه لهفة، اهتمام، او انه حتى يبقى فيه غيرة، لكن دة ابدا فعلشان كدة بقولك هو بيتعمد ميديهاش امل فبلاش تضيع الفرصة دى منك وانتهزها
نظر له بتساؤل ليومئ برأسه قائلا
_احسنلك بلاش تضيع الفرصة واجرى على حبك
نظر له ب ابتسامة ساخرة ليقول بنبرة مبطنة
_شوفو مين بيتكلم؟
التف ينظر له وهو يسحبه جهة سيارته قائلا بهدوء بعد ان اشار لسيارته
_السواق هيجبها
ثم حينما وجد نظراته جهته اجابه بهدوء
_متقارنيش بيك، انتَ بتبعد لانك خايف تخسر من طرف مش موجود فى المنافسة اصلا، انتَ مش بتتعب رغم ان الساحة قدامك فاضية لان الطرف التانى مش فى دماغه الليلة كلها وزى ما انت بتقول اوهام زرعتها ماما فيها، لكن انا لا، انا هى عارفة ومتأكدة ان آدم مش اكتر من حلم لكن سواء موجود او لا هى رفضانى