كان يتحرك للخروج حينما وجده يقف يشير إليه بيده، نظر له بتعجب ليتحرك تجاهه متساءلا بذهول
_فيه ايه؟؟ ايه اللى جابك؟؟
نظر له بتعجب ليقول بسخريه
_يعجبنى فيك يا ابن عمى رقتك، ايه يا بنى؟ ايه اللى جابنى دى، اكيد جايلك
نظر له ليقول بهدوء
_ما انا عارف بس ليه؟
نظر له بتعجب ثم تحدث بهدوء
_علشان نِرَوّح
التف ينظر له بتوتر ثم اجابه بهدوء
_لا انا هروح عند عمى عزت هنام عنده، متتعبش نفسك
التف ينظر داخل مقلتيه وهو يقول بهدوء
_ليه؟؟ ليه عاوز تروح عند عمى عزت واحنا لا؟
ظل صامتا ينظر اليه بهدوء ليجيبه بعدها بجمود
_يعنى انتَ متعرفش بجد يا ماجد؟ متعرفش انا عاوز اروح عند عمى عزت وانتو لا ليه ولا بتستعبط؟
نفخ ماجد بفمه بضيق ليجيبه بهدوء
_بص بقى انا ايوة مش غبى وفاهم ان نرمين السبب بس برده بابا هيزعل، وبعدين انا عاوزك معايا انا بشوفك كل فين وفين
إلتف للذهاب الى سيارته قائلا بهدوء جاد
_مش هينفع يا ماجد بلاش نولع نار مابصدق انها بتهدى
امسك ماجد يده يوقفه ثم قال له بهدوء
_بص بقى انا عارف كويس اوى انك بتحب نرمين ومن زمان ومتضايق انها مش بتحبك، ويمكن موافقتك انك تيجى دلوقتى بالذات من البلد هو علشان ان آدم راح وانت مش عاوز تحتك بيه لانك متضايق انها اختارته وانتَ لا، بس صدقنى فيه امور كتير انتَ متعرفهاش ومش فاهمها