_هو فيه ايه؟
وفى ثوانى وجد يد أخيه تسحبه بقوة ليجعله يقف بالإجبار ثم ضيق الخناق على ملابسه من الأمام صارخا بغضب اعمى
أنا إللى فيه ايه ولا أنتَ؟
إنتفض والديه ليقتربا إليه، ثم سأله عزت برعب وهو يجده بذلك الغضب على أخيه
_فيه ايه يا آدم مالَك وماله؟
يبدو أن ولده فعل مصيبه كبيرة فهو لم يرى يوماً آدم غاضباً هكذا، فى حين صرخ آدم غاضباً وهو يقبض عليه أكثر
_الباشا اللى مصايبه مابتخلصش لسة متصل بيا مدرس من المدرسة بيعرفنى النتيجة
إلتفتا إليه كلاً من والديه بذهول فى حين ابتلع مالِك رمقه برعب ليتساءلا بخوف وقد ظهرت الإجابة واضحة
_ايه عمل ايه؟
ألقاه هو على المقعد خلفه بضيق ليقول بقرف
_الباشا يادوب ناجح فى كل المواد أما بالنسبة للفيزيا ف ناجح بدرجات رأفة
ثم اشار جهته ب اشمئزاز
_هو ده اللى داخل ثالثة ثانوى؟ هو ده دكتور المستقبل؟ ده مش هيحصل اى نيلة خالص
إلتفا كلاهما له بضيق ليقول عزت بحزن
_ليه كهة يا مالِك. ليه كده؟ هو أنا كنت قصرت معاك فى ايه؟
فى حين قالت ليلى بألم
_ليه كده يا مالِك أومال اليوم كله كنت بتعمل ايه؟ قاعد فى اوضتك وتقول بذاكر، ليه الكدب؟ ليه تضحك علينا، ليه؟ انت بتلعب بثقتنا فيك؟ أنا بس هتجنن اومال إن ماكنتش بتذاكر اومال كنت بتعمل ايه فى اوضتك السنة كلها؟