بابا!!
قالتها بذهول لتجيبها الأولى بسخط
_ايوه باباكى
ثم ضغطت على الاسم بتأكيد
_بكر الدوينى
إنتفضت من محلها فى حين تحولت بشرتها الحنطية لأخرى حمراء من الغضب ثم تحركت بغضب اعمى جهة الخارج لتنظر لها رشا بضيق متساءلة
_قولتيلها ليه؟
أرتفع حاجبها وهى تتساءل
_على أساس مكانتش تعرف
زمت الاخرى شفتيها مجيبة
_حتى لو كانت تعرف مش طريقة دى، انتِ مالكيش عندها حاجة
صرخت بغضب
_لا ليا، لما نبقى من سن بعض وأنا سبقاها فى الشغل هنا وتيجى تاخد مكانى وتتقدم عليا بالواسطة يبقى ليا
ثم زمت شفتيها بضيق صارخة
_أما بلد كوسة بصحيح
فى حين نظرت جهتها الاخرى بضيق وهى تحرك رأسها يمينا ويسارا
على الجهة الاخرى كانت تدب الارض بقدميها بغضب تتمتم بكلمات مبهمة للجميع،
كانت تتحرك كمن تلبسها جن او كأنها تحولت لاخرى بربرية جعلت الجميع ينظر جهتها بتعجب إلى أن وصلت إلى المكتب لتدق عليه ودون إنتظار الإذن فتحته،
أنتفض الرجل ناظرا جهتها بغضب سرعان ماحاول اسكاته وهو يقول بضيق
_فيه ايه يا علياء حد
قاطعته هى بضيق وهى تضرب سطح المكتب صارخة بغضب
_ممكن افهم ايه اللى بيحصل بالظبط؟
زوى مابين حاجبيه وهو يتساءل بجهل
_ايه اللى بيحصل في ايه؟؟
صرخت هى
_ايه هو اجى النهاردة الاقينى اتنقلت لمكتب لوحدى واتنقلت لقسم تانى، ايه هى الدنيا بتتغير من سواد الليل للصبح؟