_فيه ايه؟
ارتفع حاجب إحدى زميلتيها متساءلة بتعجب
_يعنى مش عارفة؟
_ولو عارفة هسأل ليه زيادة تأكيد مثلا
إجابتها خرجت ساخرة وهى تتحرك جهة مكتبها
لتجلس عليه لتجيبها الاخرى بضيق مكبوت
_يعنى متعرفيش إنك اتنقلتى فى قسم الفن، وبقى ليكى مكتب مخصوص بيكى، وبقيتى مساعدة رئيس القسم
انتفضت من مكانها صارخة بصدمة
_أفندم!! د اللى هو ازاى؟
_أهو هو ده اللى حصل
تساءلت ب استنكار
_بين يوم وليلة كدة!!
ثم نظرت جهة الأخرى صارخة بضيق
_ماتفهمينى يا رشا ايه اللى حصل؟
نظرت لها رشا لتجيبها بهدوء
_مش عارفة يا علياء، كل اللى أعرفه أنه رئيس التحرير أمر بكدة
نظرت لها ب استنكار متساءلة
_أمر بكدة اللى هو ازاى؟؟ أتخانق معاه إمبارح ألاقيه ينقلنى النهاردة من قسم السياسة لقسم الفن والمشاهير وكمان أبقى مساعدة رئيس القسم!! ده معناه ايه ده بقا
تهربت الاخرى بعينيها وكأنها تُريد إخفاء شيئا ما مجيبة إياها
_معرفش ده اللى اتفاجئنا بيه
كان التعجب هو ما يسود ملامحها إلى أن هتفت الأخرى بغيظ
_ماتقوليلها ولا هى فاكرة إننا مختومين على قفانا
_نورا
صرخت بها الاخرى لتصمت لتهتف هى بضيق
_حد يقولى اللى بيحصل هنا بدل ما أنا عاملة زى الأطرش فى الزفة كدة
صرختها خرجت غاضبة لتصرخ بها الأولى بغضب مماثل
_يعنى ماتعرفيش إن والدك العزيز كان هنا إمبارح وهو اللى أمر بكدة وإلا هيسحب كل الدعاية والإعلانات والتمويل من الجريدة