ثم لف وجهه جهة سليم ليقول بعيون متسعة وغير مصدقة ما حدث على الرغم من مرور كل تلك الفترة من انقلاب جده على من هو الاقرب لقلبه لمجرد انه تحدى امره ووقف امامه يمنعه وهو يكمل بصوت مرتجف
_دة لف وشه ورفع المسدس على آدم وكان هيقتله وهو بيقوله انه بيتحداه وبيكسر كلامه!! وقتها كلنا كنا بنتنفض من الخوف من اللى هيحصل الا هو،الا آدم كان بيبص بشجاعه لجدى وعينه فى عينه وهو بيقوله بكل هدوء وعقلانية ان لكل غلط على الاقل الاحقية بالتكفير عنه، احنا مش ربنا، وبعدين اللى عمله يستحق العقاب مش الموت، كان رعب مش قادر انساه لدلوقتى
اومأ سليم برأسه ليجد ابن عمه يلف وجهه تجاهه قائلا
_تفتكر بعد اللى عمله بكر كله دة جدك هيعمل فيه ايه؟ ولا سباعى؟
ثم نظر امامه مكملا بخوف
_الرجل دة طول عمره ليه رهبة رغم سكوته اغلب الوقت وهو ماشى مع جدك، لكن دايما كنت بخاف منه، وعرفت السبب يومها وانا لاقيه بكل جبروت بيضرب حاتم على وشه لانه رفع صوته على جدك بعد غلطه وكان على استعداد بأمر من جدك يدفنه حى، تفتكر راجل زى دة هيعمل ايه؟
مط شفتيه بجهل ممزوج بخوف من القادم ليعم الصمت لبعض الوقت ليقول بعدها سليم بمرح مفتعل محاولا تغيير الموضوع
_سمعت ان البنت دى اسمها ملك، وبيقولو انها جميلة لدرجة انها تحل من على حبل المشنقة، تقول للقمر قوم وانا اقعد مكانك