_برئ يابيه نسيت
تنهد بضيق ليصمتو لبعض الوقت ليلف بعدها سليم رأسه جهة ابن عمه متساءلا باستدراك مُتعجِب
_انتَ عرفت منين انه رجع؟
تحرك ماجد ليجلس امامه قائلا بهدوء
_آدم قاللى
مط سليم شفتيه وهو يجيب بلا مبالاة
_اه ماهو نص العملة التانى
لم يهتم ماجد بالرد عليه وقد كان ينظر ارضا بشردود ليتحرك سليم ليجلس بجواره متسائلا بفضول
_عرفت رجع ليه؟؟ وايه حكاية بنته اللى ظهرت دى ؟؟
التف الاخر ينظر جهته لبعض الوقت وقد ظن هو انه لن يرد ليجده يقول بعدها
_كل اللى اعرفه انه كان عايش فى قرية بعيد عن مشاكل بكر الدوينى اللى كان عاوز يقتله علشان الورث، وبنته هى الذكرى الوحيدة من عمتى هنا، لكن ايه اللى هيحصل وجدك هينوى على ايه معرفش، بس اكيد مش هيسيب تاره منه والبنت هتفضل فى حماية جدك، لكن ايه اللى هيحصل محدش يعرف
صمت سليم لبعض الوقت يفكر فى الامر بجدية وهو يقطب جبينه بقوة ليقول بعدها بهدوء وهو يميل للامام ليستند بمرفقيه على فخذيه
_تعرف ان ظهوره ده هيربك الدنيا، وكمان ظهور بنته دى هيفتح علينا نار جهنم، وانت عارف اقصد ايه
اومأ برأسه وهو يجيب
_عارف.. وعارف ان كل الموازين هتتقلب، وان الكفة الراجحة هتتقلب ميزانها، غير اننا هنشوف وش جديد لجدى عمرنا ماشوفناه، وش لعبد الرحمن المنشاوى اللى الكل بيسمع عنه واللى انا شفت شعرة منه ساعة موضوع حاتم