_اقصد كل اللى قولته وكل اللى كنت هتقوله، ليه بتقول موضوع حاتم؟ انت هتلاقى الدنيا تتقلب دلوقتى، امى هتقلب الدنيا خصوصا انك قولت ان آدم هناك وكله هيقول انه سَخّن جدى والواد ولا ليه دعوة، دة راح لان جدك عاوز يشوفه شويه ويتابع معاه ناوى على ايه فى الشغل وانت قلبت الدنيا كلها
ثم اكمل صرخ به بغضب ساخر
_وكنت عاوز تقول ايه تانى سمعنى؟
نظر له بغباء ليقول ببلاهة
_ابدا كنت هقول ان عاصم الدوينى ظهر ومعاه بنته وجه بعد سنين من غياب
نظر له ماجد وهو يهز رأسه ويقضم باطن خده بغضبيمنع نفسه فى تلك اللحظة من اطلاق سبة لابن عمه الاحمق، يمنع لسانه من قول ما يشين يذكر نفسه بانه تربى على الاحترام وتن هذا الذى يقبع امامه هو ابن عمه الاكبر ولكنه مع ذلك رفع حاجبيه متسائلا بصدمة مفتعلة ممزوجة بسخرية
_لا ياراجل تصدق افحمتنى
ثم صرخ به
_انا كام مرة ضربتك وطحنت كتفك علشان تسكت وانتَ ولا انتَ هنا، هو عمى لما قالك مقالش ان الموضوع سر ومحدش لازم يعرف لحد مانشوف هنعمل ايه؟
نظر له بصدمة ليقول بذهول
لا بجد؟!! انا بابا مقاليش حاجة اصلا ولما سألته عن الموضوع قال ان لما اجى هعرف، وفى الغالب كله هييجى قريب
ارتفع حاجبيه بسخرية وهو يقول بسخط
_لا يا راجل امال مين اللى بشرك بالموضوع دة