التف اليه جده ليقول بقوة وسيطرة وقد انهى الجدال بما هو اقسى من هذا ليجيبه بما صدمه واثار جنونه وغضبه اكثر واكثر
_اذا كنت انت مش هتتچوزها هشوف واحد من ولاد عمك يتچوزها، الشباب فى العيلة كتير المهم البنت دى مش خارجة من اهنه الا وهى على ذمة واحد منيكم
ظل آدم يهز رأسه بهيستريا لا يستطيع استيعاب تلك القسوة والتعنت الذى وصل له جده،لا يستطيع استيعاب ذلك الامر الذى يريده، لا يستكيع استيعاب هذا الجنون الذى يفعله جده،باى حق يتحكم بحياتها؟ بل باى حق يتحكمون كلهم بحياتها،ولما؟اكل هذا لاجل المال
صك هو على اسنانه ليقول بعدها بغضب و
فى حين بدأ صوته يرتفع اكثر وأكثر وهو يشيح بيديه بعشوائية دون شعور منه
_لا دة حرام.. بجد حرام اللى بتعملوه فيها دة، ده اللى هو ازاى واحدة عايشة عمرها كله مخبيينها عن الدنيا واللى فيها وبعدها تتصدم بوجود عيلة لامها، بعدها تقررو نيابة عنها انها تتجوز، لحد امتى هتقررو نيابة عنها؟ تقررو نيابة عنها انها تستخبى، تقررو انها متعرفش حاجة عن عيلة اهلها، وبعد كدة تقررو انها تعرفهم، وبعدها تقررو تجوزوها، وتقررو تعرفوها انها ليها ميراث وانها غنية، ويوم مايجيلكم المزاج تقررو انكم تعرفوها بالمعمعة اللى هى طرف فيها وانها ممكن تموت فى اى لحظة، وتقررو انكم تحطوها فى وش المدفع، وهى بدون شخصية ما عليها سوى السمع والطاعة زى عروس الماريونت تتحرك بايديكم،