نفت برأسها ب ابتسامة واسعة وهى تقول
_لا يا استاذ منصور
ثم رفعت حاجبها له وهى تقول
_ولو مش عاجبك
قاطعها هو وهو يشير بيديه بضيق تماشيا مع هز راسه وكانه يوافق على كلماتها قائلا بغيظ
_عاجبنى… عاجبنى يا بنت الدوينى، ومين هيقدرك انتى اذا كان ابوكى نفسه مقدرش عليكِ
ابتسمت وهى تجلس بفخر قائلة بجدية
_ها كنت عاوزنى فى ايه بقى؟
نظر لها ليحك طرف ذقنه قائلا بهدوء
_آدم المنشاوى
التفت تنظر جهته باهتمام وبكامل تركيزها لذلك الاسم الذى اصبح يتردد صداه فى ارجاء منزلهم، بل اسم عائلته ككل اصبح يتردد فى ارجاءه بين والدها واخيها وحتى والدتها هذه الايام لتقول بهدوء
_ماله؟
نظر لها ليقول بتوضيح
_دلوقتى فى شركة دولية للادوية بتدور على شركة مصرية تشاركها بمجموعة اسهم وكمان طالبة مجموعة خبراء لقسم البحوث هناك للتدريب
اومأت برأسها وهى تقول بهدوء
_اه عندى علم عن الموضوع دة، حتى بابا شغال جامد فى المشروع دة هو وعاصى علشان عاوزين يفوزو بالمنافسة ويدخلو مساهمين فيها وطبعا هيبقى مكسب جامد وشهرة عالمية، بالاضافة انهم طالبين توكيل تصنيع مجموعة ادوية من شركات عالمية هنا تبع شركتنا
اومأ برأسه براحة وهو يجدها اختصرت عليه الامر بفهمها للمجريات ليكمل بهدوء
_عليكى نور، كدة وفرتى عليا كتير، انا عاوزك بقا تتحرى عن آدم المنشاوى وتكتبى عيوبه و اذا كان ليه مساوئ وكدة، يعنى عاوز ماضيه كله بكل غلطاته يكون عندى هو او شركته