قال جملته الاخيرة بتحدى وهو يزرع عينيه داخل مقلتى الاخر ليبتلع حاتم ريقه بتوتر وقد صدق حدسه ب ان آدم ها هنا ليس من اجل التحدى بل من اجل شيئا آخر يريد تحقيقه لذا تخلى عن صمته وهدوءه وعزلته وهبط الى هنا فقط لفعل ما يريد منه، زم حاتم شفتيه بتفكير وخوف ولكنه مع ذلك حاول استغلال الظروف ليهتف به بمكر:
_موافق بس نبدل
لم يبدو على آدم انه فهم مقصده لذا نظر له متسائلا بتعجب
_نبدل؟؟
اومأ الاخر برأسه بتحدى قائلا
_انتَ اختار اى حصان من هنا بس انا هركب رعد ونتسابق
ارتفع حاجبى آدم بصدمة قائلا بصوت مبهوت
نعم؟؟ تركب رعد!!.. ده اللى هو ازاى يعنى اللى بتقوله ده؟
هز هو كتفيه قائلا بمكر:
_دة طلبى
ثم نظر داخلى مقلتيه قائلا بتحدى ماكر مشابه لذلك الذى كان بعينى ابن عمه منذ قليل:
_ولا انت اللى خايف انك متعرفش تفوز من غير رعد، ايه هو انت مش فارس ولا ايه؟ ولا انت بتعمد على فرسك فى السباق وانت مش اوى؟
نظر له آدم قائلا بتعجب
خايف؟؟!! انا لا خايف ولا نيلة بس انت هتقدر تركب على رعد؟ انت عارف انه عنيد وممكن يرميك من على ضهره ومش بعيد يموتك
هز حاتم كتفيه يجيبه ببساطة:
_دى مشكلتى وانا اللى هتعامل معاها
قالها وهو ينظر لعينى ملك بثقة وغرور لتحرك هى وجهها بعيدا بتوتر خجل