_هاا قولت ايه هتسابقنى ولا اعتبرك بتنسحب وخسران؟
استطاع آدم اخراجه من افكاره وهو يهتف بتلك الكلمات بغضب مكتوم استطاع بالكاد السيطرة عليه وهو يجده يحملق فى تلك الفاتنة لينظر له بخبث ثم تحدث بعدها بنبرة ماكرة وهو يمط شفتيه بلا مبالاة
_اظن ان انتَ مش عاوز علشان عارف النتيجة من البداية ف مش عاوز تحرج نفسك قدام البنات، اوكى متخافش انا مش هتكلم مادام انت خايف من الخسارة اوى كدة، دى مش حاجة جديدة عليك ولا هى حاجة وحشة انك تبقى عارف قدراتك وتهرب لما تحس نفسك انك فى موقف ضعف
نظر لهم حاتم ليجدهم يطالعوه بضحكات ساخرة ليهتف بضيق ب آدم الذى ادار ظهره لهم ليتحرك للصعود وكانه نفذ ما اراد بمجيئه الى هنا واحراجه امام الفتيات ليقول بضيق شديد:
_انا موافق
ثم اكمل بضيق
_بس نتراهن، ان انا فزت هتعملى ايه؟
مط آدم شفتيه ليعود جهته مجيبا ببرود
_بيتهيألى اننا نتفق لما نخلص، ان انتَ فزت شوف عاوز ايه وهعملهولك ايا كان
قالها آدم بثقة عمياء وغرور شديد وتر الاخر وبشدة وهو يعلم ان هذا الغرور ما هو الا ثقة بمقدرته الفعلية على الفوز فى حين اكمل آدم ببساطة
_لكن الكلام هنا ان انا فزت هتعملى اللى انا عاوزه ايا كان الامر اللى هطلبه منك، ماشى؟