نظر لها عبد الرحمن ليقول:
_لو مكنش حُصُل من البداية مكانش اضطر آدم ينقذها
نظرت شهد ارضا ليقول آدم بخجل:
_انا أسف يا جدى
فى حين قالها حاتم بخجل مماثل ليقول عبد الرحمن:
_امشو من جدامى دلوك
تحرك الجميع من امامه ليجدوها تهبط للاسفل ترفع ساقها بينما تستند على ميسون وبينما كانت تستند عليها فقدت ميسون اتزانها وكادت تسقط ف اختل توازن ملك وكادت تسقط امامها لولا يد فولاذية امسكتها بقوة وصوت جهر بخوف ورعب
_حاسبى
اضطربت ملك لتحول انظارها بعيدا بخجل بينما هتفت ميسون بأسف
_انا اسفة يا ملك مكنتش اقص، د مشوفتش الدرجة دى من السلم ورجلى فلتت
اومأت ملك بخجل لتجيبها بهدوء:
_حصل خير
ثم حاولت ابعاد يد آدم عنها ليقول برزانة:
_خلاص يا ملك اسندى عليا لحد العربية، باباكى برة
هذا الموقف كان تحت أنظار عبد الرحمن وكذلك فاطمة ليزعق عبد الرحمن قائلا:
_آدم وصل ملك المستشفى انتَ والبنات واعملو اللازم، وابعتلى عاصم انا عاوزه
ناظرته ملك بتعجب متسائلة:
_عاوزه ازاى يا جدى؟ بابا هييجى معايا
هتف عبد الرحمن بقوة
_باباكى انا عاوزه فى حاچة مهمة يا ملك لكن انتِ معاكِ آدم والبنات، وكمان اكرم بره هيروح معاكم انتو والرچالة، الموضوع بسيط مش مستاهل والمستشفى بتاعتنا كمان