اجابت شهد بسرعة:
_سليم سافر القاهرة هيحضر ندوة طبية
_يبقى لازم ننقلها للمستشفى بتاعتنا
قالها حاتم بخزى لينظر جهته عبد الرحمن بقوة وهو يحول انظاره بينهم ليقول بقوة
_دلوك ملك هتغير هدماتها اللى مبهدلة دى وبعدين تروح المستشفى
ثم هتف بقوة
_ميسون ساعديها انتى وفاطمة
ثم وجه انظاره جهة البقية قائلا
_آدم حاتم شهد تعالو ورايا
نظر الجميع ارضا يلحقون به بهدوء وهم يعلمون بأنهم جميعا كانو سبب فى اذيتها بطريقة مباشرة او غير مباشرة
___________
وقف يصرخ داخل مكتبه بذهول
_واه تركب رعد كيف يعنى؟ احنا كلياتنا عارفين ان رعد دة بتاع ادم من سنين وكان معاه فى الجصر فى مصر ولما انشغل بالشركة بعته على اهنه علشان نراعيه، وكلياتنا عارفين انه مبيجبلش حد يركب عليه غيره، ليه الرعونة دى؟
نظر حاتم ارضا وكذلك آدم ليصرخ جده به ايضا بضيق:
_وانتَ يا دكتور يا محترم، انتَ عارف ان فرسك خيل عربى اصيل وجامح مبيجبلش ان حد يركب عليه غير الفارس بتاعه وهو اختارك انتَ دونا عن اى حد وانتَ اكتر واحد عارف طباعه، ليه بتجبل حد يركب عليه؟ انتَ ناسى لما ماجد حاول يركب عليه وكان هيموته، ليه الرعونه واللامبالاة دى منكم انتو التنين؟ ايه خلاص مفيش اى تجدير؟