نظرت له بغيظ لتهتف به بضيق:
_ما انتهيناش على كدة يا دكتور
نظر لها بسخرية ليجيبها بهدوء:
_من رأيى اننا انتهينا، وما اتمناش اننا نتقابل تانى
ثم تحرك من امامها دون ان يعطيها فرصة للرد لتنفخ فمها بضيق وهى تدب قدمها بالارض هامسة بغيظ:
_رخم
__________________
تحرك يحملها للداخل بينما تضع هى وجهها ارضا بخجل لتركض شهد امامه تعدل لها وضعيه الوسائد على الاريكة لينتفض كل من بالمنزل على هذا المنظر لتصرخ فاطمة برعب وهى تضرب يدها على صدرها بجزع
_بتى.. مالها بتى يا آدم ؟؟
فى حين ركض عاصم عليها صارخا بفزع
_ملك.. مالها ملك ايه اللى حصل؟ مالها يا آدم؟؟
حول آدم انظاره يينهم ليقول بهدوء
_طيب ممكن توسعو احطها وبعدين نتكلم؟
ابتعد الجميع عنه فى حين ساعدتها شهد ولكن حينما ارادت فرد ساقها صرخت بألم ليهتف عبد الرحمن بغضب ممزوج بالخوف
_ممكن حد يفمنا ايه اللى حُصُل؟؟
التفت ملك تجاههم لتجيب بهدوء ورقة
_مفيش ياجدى انا بس وقعت على رجلى واتلوت
انتفض عاصم يجثو على ركبته امامها يتفحص قدمها بخوف قائلا
_وقعتى ازاى مش تخلى بالك يا ملك، ايه اللى وقعك؟
وما ان ضغط على كاحلها حتى صرخت متأوهة صرخة مزقت الاجواء، انتفض الجميع بفزع على صرختها ليقول آدم بهدوء:
_بيتهيألى اننا نتصل ب سليم ممكن يعرف فيها ايه