ثم التف للذهاب لتصرخ فى اثره بضيق
_كله دة علشان اللى حصل الصبح؟
قطب جبينه ليعى ماتقصد ليجيبها بهدوء
_لا بس دة رأيى، كل واحد من حقه بعض الخصوصية وانا ماليش فى الموضوع ده يا تسألِ ادارة المستشفى او البوليس او تستنيها لما تفوق، غير كدة ماليش فيه
ثم تحرك للذهاب لتصرخ بغيظ وهى تدب قدمها فى الارض بغضب لتذهب لتلك التى تقبع خلف مكتبها هاتفة بضيق
_اسمه ايه الدكتور دة؟
نظرت لها الفتاة بتعجب لتجيب بهدوء
_دكتور سليم
_اه يعنى سليم ايه؟ سليم بالجبنه، سليم بالفينو، سليم ايه؟
نظرت لها الفتاة وصمتت، هى بالفعل لا تريد المشاكل وتلك الصحفية امامها لن تصمت لتجيبها بهدوء
_معرفش
ارتفع حاحبيها ذهولا من تلك الاجابه العجيبة لتصرخ بها بضيق
_يعنى ايه متعرفيش؟ هو مش اسمه متسجل على المخروب اللى قدامك دة؟
نظرت لها الفتاة تجيبها ببساطة
_انا اسفة يا فندم بس معنديش اوامر اديكى اى معلومة ف من فضلك اتفضلى
اغمضت عيناها بغضب، مشفى المنشاوى هى اكثر المشافى التى تمقتها بالفعل، ف الجميع بها يعمل برسمية رهيبة ولا تستطيع الاستفادة منهم بشئ رغم ان من يعمل بها هو كادر فوق الممتاز ولكن يبقى لديهم الكثير من التحفظ، نفخت بفمها بضيق لتخرج من المكان ولكن ما ان خرجت حتى وجدته يدخل ثانيه وبيده هاتفه ويبدو انه انتهى من مكالمة للتو،