نظرت لها الفتاة لتنتبه لخروجه جهة الحديقة ويبدو انه سيستنشق بعض الهواء النقى لتجيبها بهدوء
_دكتور سليم اهو لو عاوزة تكلميه
ركضت خلفه لتنادى عليه هاتفه
_دكتور سليم.. دكتور سليم
ولكنه لم يتوقف لتهتف من خلفه
_دكتور سليم انا علياء بكر صحفية وجايه اخد من حضرتك شوية معلومات عن الحادثة دى، يعنى هى مكان الحادثة اثرت على ايه؟ ومين كان معاها فى العربية؟ وهبقى شاكرة لحضرتك جدا
نفخ سليم بضيق ليلف وجهه مجيبا بسأم
_انا قولت انى مش مسئول عن اى معلومة لما تفوق ابقى
ولكنه توقف عن الكلام وهو يستوضح ماهية من يقف امامها ليصرخ بها بغضب
_انتِ؟
نظرت جهته بذهول وهى تجده ذات الشخص الذى كادت تدهسه تحت اطارات سياراتها صباحا لتهتف به بصدمة
_انتَ
اومأ برأسه وهو يجيب ب ادراك
_صحفيه اه.. علشان كدة نافخة ريشك لان اللى مش هيعجبك هتديله مقال يفرج عليه الناس كلها، بس مش عيب صحفية زيك بتتكلم عن الحوادث والمصايب هى اللى كانت هتموت الناس بسبب سرعتها الزايدة؟
نظرت له لخجل ولكنها اجابته بهدوء
_انا مش تبع قسم الحوادث ولا حاجة انا تبع قسم
رفع يده يوقفها عن الحديث وهو يجيبها بهدوء
_مش عاوز اعرف، انا اللى عندى قولته من غير كلام كتير، انا اللى عندى قولته ومش هيتغير، بعد اذنك