اومأ برأسه يجيبها بإرهاق وتفهم
_بصى انا فاهم بس مش رايق للكلام دة، لما تقوم اللى جوة دى ابقى تكلمها وتسألها او تسأل البوليس لما ييجى، لكن انا دكتور وبس وماليش فى الوش الفاضى دة طلعونى منه
اومأت الفتاة برأسها لتتحرك جهة تلك التى تقبع بالاستقبال متشدقة بهدوء
_انا اسفة يا فندم الدكتور رفض انه يطَلَّع اى حاجة او يقابل حضرتك لانه مش فاضى
ضغطت على شفتها السفلى لتسألها بمكر
_طيب متعرفيش هى كان عندها اية؟ او الحادثة اثرت بإيه؟ او مين كان معاها او اللى جابها؟ اكيد دة متسجل فى سجلات المرضى
نفت الفتاة تجيبها بعمليه
_معرفش يا فندم دة برة تخصصى ان اقول لحضرتك حاجة غير بإذن من حد من المسئولين فى المستشفى او الدكتور المسئول عن الحالة، غير كدة اسمحيلى مقدرش اتكلم، دى سياسة المكان
نفخت بفمها بضيق لتسألها فى محاولة اخيرة
_طيب ممكن اقابل الدكتور المسئول او حد من المسئولين من المستشفى؟
نظرت لها لتجيبها بهدوء
_كلهم روحو مفيش غير دكتور سليم اللى عمل العملية وهو رفض اى كلام مع حضرتك او ان معلومة تخرج وبيقول لو عاوزة تعرفى حاجة يبقى منها شخصيا او من البوليس لكن هو مش هيخرج اى معلومة تخص مريض عنده
صمتت تفكر فى حل لتسألها بهدوء
_طيب ممكن اشوفه؟ اقصد دكتور سليم دة