لم يكلف آدم نفسه عناء الرد عليه بل تجاهله تماما متحركا صوب الداخل فى حين صرخت به شهد بغضب اعمى وحقد دفين
_رجلها بتوجعها ومش قادرة تدوس عليها، ادعى انها متكونش اتكسرت لان ساعتها محدش هيقدر يرحمك من جدى
فى حين طالعته ميسون بغضب وهى تهتف به بحقد وضيق من عناده
_مش جديدة عليك يا حاتم، دايما عِندك بيسبب لنا المصايب، ورعونتك دى اللى هتتسبب فى موت حد فينا
ليتركه الجميع بضيق فى حين نظر هو ارضا بخجل ليتبعهم فقط ليطمئن على تلك المسكينة التى لم تمضى بمنزلهم سوى يوما واحد وها هى المصائب تحل على رأسها بسببه
ــــــــــــــــــــــــــــــــــــــــــــــــــــــــــــ
خرج من غرفة العمليات بإرهاق بعد اكثر من ثلاث ساعات قضاهم هو وطبيب العظام فقد كانت لديها كسر فى ساقها ونزيف فى الطحال ونزيف شديد فقدت على اثره الكثير من الدماء،
اوقفه صوت فتاة تعمل فى الاستقبال هاتفة بقوة
_دكتور سليم
توقف سليم ثم التف ينظر لها بتساؤل لتقول بهدوء:
_فيه واحدة صحفية عاوزة تعمل معاك تحقيق صحفى عن الحادثة اللى جات من شوية والمضاعفات اللى حصلت لها
نظر لها بتعب متسائلا بإرهاق
_ليه؟؟
اجابته الفتاة بهدوء
_لان صاحبة الحادثة شخصية مشهورة وطبعا حادثة زى دى هتتصدر وسايل الاعلام ف طبعا هى عاوزة تضيف جديد، يعنى مش مجرد حادثة وكدة، حضرتك فاهم؟