_اهدى هنزلك دلوقتى وبعدين انزل انا
اومأت برأسها بهدوء وهى تترك ملابسه ببطء ولكن وبمجرد ان انزلها ولمست قدميها الارض حتى صرخت ب الم صرخة شقت الاجواء لنتبه هو لها وينتفض قلبه بخوف ثم ودون ذرة تفكير هبط ارضا يسندها بسرعة حتى لا تسقط وهو يصرخ بالسائس بخوف:
_عم ابراهيم اربط رعد بسرعة
ركضت الفتيات جهتها بخوف وبالاخص حينما سمعو صرختها الاخيرة لتقول ميسون بزعر وهى تسندها
_ملك انتى كويسة؟؟
صرخت ملك ب الم وبكاء:
_رجلى بتوجعنى اوى
انتبه آدم لها وبالاخص حينما وجدها ترفع ساقها عن الارض ليتساءل بهدوء:
_مش قادرة تدوسى عليها
ضغطت على شفتها السفلى لتضعها ارضا وما ان ضغطت عليها حتى صرخت ب الم وبكاء ليتمسك بها اكثر بينما تمسكت هى بميسون لتهتف شهد بخوف:
_آدم هنعمل ايه انا خايفة لتكون رجلها اتكسرت
اغمض آدم عينيه بتعب وهو يزفر بإرهاق ودون ذرة تفكير وجدوه يميل عليها يحملها بين ذراعيه بهدوء،
صرخت هى بجزع من المفاجئة وهى تصرخ برعب وخجل
_انتَ بتعمل ايه؟ من فضلك يا دكتور نزلنى
تشدق هو بهدوء
_اهدى يا ملك متخافيش ومتتكسفيش، انا هدخلك لحد مانشوف هنعمل ايه لتكون رجلك اتكسرت ولا حاجة ولو دوستى عليها هيبقى خطر عليكى اكتر
صمتت ملك بخجل فى حين تبعتهم الفتيات وما ان اقتربو من حاتم حتى زجره الجميع بنظرة حارقة فهو السبب الرئيسى فيما يحدث، فبسبب عناده كانت ستموت تلك المسكينة الان،
نظر هو ارضا بخجل وهو يهتف ب آدم بخوف
_مالها ملك يا آدم؟