رفع انظاره له بجهل ليكمل الاخر بسخرية
_ليه يا اخى اللى عملته دة كله فضحتنا؟
ضيق عيناه يحاول فهم ما يقول لينتفض واقفا حينما تذكر كل ما حدث وقد هاجمت الصور الفائته للموقف الماضى ذاكرته بضراوة ليصرخ به بغضب
_بكر ايه اللى حصل دة؟ ازاى تسمح لنفسك ولاخلاقك تعمل كدة؟ ازاى تخلى الناس فيران تجارب لابحاثك ازاى؟؟ ازاى تنعدم الانسانية منك كدة؟؟ الناس قدامك تعبانة ومحتاجة علاج قوم تجرب فيهم واللى يموت يموت واللى يعيش يعيش!! ازاى تكون كدة ازاى؟ دة يكون العالم بتاعك!! ازاى تكون بالحقارة دى؟ ازاى تكون بالنفاق دة ازاى تبين الاخلاق والحب والرحمة للناس وانت بتأذيهم بتلعب بيهم وبحياتهم؟
ثم صرخ به بغضب
_انت ممكن تعمل عاهة مستديمة لحد او ممكن تموته، ازاى تعمل كدة؟
صرخ به بكر بغضب
_امال انت فاكر الطب ايه؟ لازم نضحى علشان نوصل، لازم نضحى، ايه يعنى لما يموت اتنين او تلاتة او عشرة المهم مصلحة الطب،انت هتنقذ الملايين ازاى؟ لازم نضحى علشان نوصل، علشان مصلحتنا ومصلحة الطب ومصلحة البلد كلها لازم نجرب امال، انت فاكر دول الغرب اتقدمو ازاى ماهو بنفس الطريقة
ليصرخ به عاصم بغضب
_بدون علم الناس، بدون ماتاخد اذنهم فى حياتهم!!
صرخ به بالمقابل
_مكانوش هيوافقو، واحد تقوله مش هديلك دوا للفيروس المعروف وهجربلك دوا جديد اكيد هيرفض، هيقولك خلينى فى اللى عارفه بدال ما اموت او يا اما هيطلب فلوس فى مقابل كدة ويستغلنى