_ايه؟
الكلمة خرجت من فم الجميع بفضول ممزوج بخوف ليكمل بهدوء
_الدكتور مكانش يعرف انى معنديش علم باللى بيجرا لكن اللى اكتشفته انهم بيدو للمرضى المحجوزين فى المستشفى ادوية تحت قيد الاختبار، الادوية دى ماتمش اكتشاف اثارها الضارة او كفاءتها
فرغ آدم فمه بذهول ليكمل بتساؤل يعلم اجابته جيدا
_هل الادوية دى كان بياخدها المرضى بدون اذنهم؟ يعنى بياخدو ادوية جديدة تحت الاختبار بدون علمهم؟
اومأ عاصم برأسه ليكمل هو وآدم ذات الجملة فى نفس الوقت
_فيران تجارب!!
كان عاصم يقولها بهدوء فى حين انتفض آدم من مقعده بغضب ممزوج بذهول ليصرخ بغضب
_ايه دة مستحيل، دة جنون، دة قمة فى الجنون، ازاى دة يحصل؟؟ الامر دة لو اتعرف هيتسجنو وش، طبقا للقانون العالمى ممنوع اى مريض او انسان ياخد دوا قيد الاختبار الا بمعرفة شخصية منه وبموافقة كتابية كمان، وبعد مابيكون الدكاترة المختصين بالشركة او المستشفى قعدو معاه وكلموه واتبرع ب كدة، لكن غير كدة دة يعتبر استغلال لان ممكن يكون للدوا اثار ضارة مجهولة ممكن تأذى المريض وف اسوأ الحالات ممكن يموت
فرغ الجميع افواههم ليصرخ آدم بغضب واشمئزاز
_وطبقا للقانون الدولى وف الأخلاقيات الخاصة ب الطب وب القسم اللى بيتم قسمه للطبيب دة كله ممكن يخليه ينعزل من المهنة ويتحط تحت المسائلة القانونية اما بالنسبة للشركة ف من الممكن انها تتقفل