اجاب احد الرجال والذى قد تم تلقينه بالفعل على مايقول
_على مكب نفايات ومحرقة المستشفى، ومحدش بيدخله غير عمال النضافة
نظر لهم ليتحرك للدخول، ينظر يمينا ويسارا ليجد احدهم ملقى على الارض صرخ بهم بغضب
_فوقوه
اقترب يفيقونه فى حين صرخ به بكر
_ايه اللى حصل؟
وضع الرجل يده على رأسه مجيبا بتعب
_مش عارف، انا كنت واقف برمى الزبالة دى اللى هتروح المحرقة لقيت حد ضربنى على راسى من ورا
ثم التف جهة ملابسه هاتفا بذهول
_هدومى راحت فين، هدومى
اغمض بكر عيناه وهو يعى فى تلك اللحظة ما حدث ليصرخ بهم
_اغبيا.. هرب منكم، راجل واحد وهرب من كل دول!!
التف ينظر جهة احدهم صارخا بغضب
_سألت الغبى اللى جوه ايه اللى حصل؟
اومأ الشاب مجيبا
_بيقول انه سمعه بيخبط ويصرخ فتح الباب ملقاش حد وبعدين اتفاجئ بحاجة خبطته على دماغه ومش فاكر بعدها حاجة
ضرب يده بالحائط صارخا بغضب ثم امسك هاتفه متصلا ب احدهم قائلا
_عاصم هرب واكيد جاى على البيت، لازم تفك فرامل عربيه هنا لانه اكيد هيستعملها، وعاوز مراقبة على اول المنشاوية، تبعتلى ناس هناك اكيد عاصم حتى لو فلت منكم هيروح هناك لعبد الرحمن، ان مكانش النهاردة هيبقى بكرة وان مكانش بكرة هيبقى بعده المهم لازم توصلوله، وتحط واحدة فى القصر عينها على اللى بيحصل وتبلغنى بيه، لازم اللى بيحصل يكون تحت عينى فاهم؟ عاصم الدوينى مش لازم يوصل لعبد الرحمن المنشاوى مهما حصل والا هتكون نهايتنا