انتفض عاصم صارخا بغضب
_انت بتقول ايه؟ هنا لا
_اششششش
همس بها الشاب وهو يضع سبابته على فمه ليمد له بيده بزى رجال النظافة هامسا بهدوء
_غير هدومك يا بيه وانا هفتحلك الباب وهأمنلك المكان بالهروب، بس بسرعة الله يخليك مفيش وقت
نظر عاصم للملابس بيده وذلك الشاب الصغير امامه هاتفا بذهول
_وانتَ
نظر له الشاب هامسا بهدوء
_متقلقش يا بيه مش انا لوحدى فى المكان اللى براعى ربنا، فيه دكاترة هنا وناس تانية بتعاونى وربنا هيعينى، بس الله يخليك بسرعة بس، واخرج علشانك وعلشانى وعلشان مراتك
اومأ عاصم برأسه ثم بدأ فى تبديل ملابسه وتحرك للخروج وقد ساعده الشباب ليخرج من المكان بسرعة الصاروخ يركض بسرعة، ثم اخذ سيارة اجرة متجاهلا سيارته ذاهبا الى منزله
فى حين اقترب بكر بعدها يفتح الباب ليجد احدى الشباب الخاصين بالامن ملقى على الارض مغمى عليه ينزف من رأسه بينما لا اثر ل عاصم صرخ بغضب فى الباقين
_عاصم فين؟
انتفض الشباب ينظرون يمينا ويسارا ولا يجدون له اثرا ليجيبونه بهدوء
_ملوش اثر يابيه
صرخ بهم بكر
_عاصم مش موجود يا بهايم، ازاى خرج؟
نظرو جهته ليجيبه احدهم
_والله ماطلع يا باشا
انتفض ينظر فى كل مكان ليجد باب صغير مفتوح ليصرخ بهم
_الباب دة بيطل على ايه