صرخ به بغضب
_واتحاكمو والكل اكتشف انهم غلط، من حقك انك تطور وتكتشف لكن من حق اللى بيتعالج او المختبر السريرى انه يعرف، لكن انت منعته حتى من اخد ابسط قرار فى حياته
ابتسامة ساخرة شقت جانب فم بكر ليخرج سيجارته يشعلها ثم نفخ دخانها فى وجه عاصم ليتشدق بهدوء
_ده الفرق بينى وبينك يا عاصم، انت ماشى بأخلاقك اللى عفا عليها الزمن، ان مشيت خطوة بخطوة زيك اولا همشى بمشية السلحفاة لكن انا عاوز اجرى واوصل بسرعة النمر، انا مش عاوز اتحط رقم فى لستة انا عاوز اكون على راس القمة، على اولها، انا عاوز اوصل ان اسمى يتخلد فى التاريخ يا عاصم، عاوز اكون افضل دكتور واكبر واحد صاحب شركة ادوية بتنافس الشركات العالمية، انت اخلاقك دى مش هتوصلك لحاجة، انت بطريقتك دى هتخلينا موضع استغلال، دة هيطلب فلوس، ودة هيخاف، ودة هيقول لا،
انا بعمل اسرع من كدة، هما كدة كدة بيمضو على الاقرار ضمن الاوراق الخاصة بالمستشفى وبديهم كلتم علم زى انهم هياخدو رعاية كويسة وهيتعالجو مجانا من شركننا بعلاجاتنا الخاصة اللى هى من افضل العلاجات وبيقف عليها افضل الدكاترة، بزغلل عنيهم من غير ما اقول الحقيقة كاملة، انا لازم اكسب يا عاصم، لازم اكون الافضل