اديتها الكارت يا فخرى ؟
حصل يا باشا حصل، لكن رفضت تاخد الفلوس، ناس خسارة فيها المساعدة، مش كفايه الباشا بذات نفسه زار جوزها وعرض المساعده ؟
دا قدرنا يا فخرى اننا نساعد الناس ،انا بعمل كده عشان ربنا
مش عشان انال استحسان او شكر اي شخص
_مفهوم يا باشا مفهوم رفع فخرى صوته كأننى فى مكان بعيد عنه.
خليك معاهم يا فخرى مينقصهمش حاجه ،سيد صديق قديم وحتى لو عزة نفسه مانعاه فدا ميمنعش انى اقوم بواجبى
_مفهوم يا باشا ربنا يكتر من امثالك ويزيد فى نعيمك كمان وكمان.
وكان فخرى يأتينى بتقرير عن تدهور حالة سيد عبد الهادى الصحيه وضيق حالهم وانهم لا يجدون اللقمه وكنت اطلب منه أن يعرض عليهم المساعده مره اخرى وفى كل مره ترفض زوجته بحجة ان زوجها لن يغفر لها آبدآ ولا يمكنها ان تأتى بأى فعل من خلف ظهره، وهمست فى سرى ستأتى وستفعل من خلف ظهره ما أرغب به.