__عايز فلوس ؟ سأل فارس الناطورى سيد وأخرج شيك من جيبه
مستوره رد سيد عبد الهادى بصرامه
انا مش غريب يا سيد مش لازم تنحرج منى ،انا عارف ان ظروف الحياه بقت صعبه
ملوش لازمه ياباشا كفايه انك تعبت نفسك فى الزياره
وشعرت بثوره ،بغضب، بمقت حتى وهو يموت يصر على ان يتحدانى ؟
وهو على الحديده يرفض اليد التى امدها له ؟
رمقت فخرى بنظره يفهمها فنهض بسرعه مذكرآ اياى بميعاد المحافظ بعد نص ساعه
فى طريق الخروج فخرى منح مليكه زوجة سيد ظرف
فيه فلوس ،وهمس كل اول شهر هيوصلك ظرف زيه
مفيش داعى يا هانم تقولى لزوجك سيد لأن دماغه ناشفه
بينما مر فارس الناطورى دون أن يعبرها
همس فخرى مره اخرى إلى مليكة اشكرى الباشا قبل ما يخرج كل دا من خيره
ورأيتها امامى تنحنى ببهاء وتشكرنى على مبلغ تافه
لا يذكر
_ مفيش داعى للشكر سيد ده ذى اخويا
بيتى مفتوح اربعه وعشرين ساعه يا هانم اى حاجه تحتاجيها
تواصلى معايا ،فخرى هيديكى أرقام تليفوناتى
وقابلت فريده على
باب الشقه، انها ليست بمثل عمرها
بل فتاه شابه، فاكهه طازجه تحتاج تنتظر من يقطفها
وسمعت مليكه خلفى تهمس لفخرى ،مقدرش اخد حاجه من ورا جوزى، سيد مش بيحب الحجات دى ومن وقت مرضه مقبلش إى حاجه ،وعرفت انها ستأتى كما أرغب، ستحضر إلى خاضعه وتركت فخرى يتحدث معها ونزلت درج السلم إلى السيارة ولحق بى فخرى يركض مثل جرو وهو يهمس ناس وش فقر ثم جلس فخرى جوار السائق بوجه صارم