+
=معلش بقا يا طنط ذكرى …مقدرتش أهنيك علي كوباية العصير بتاعك…أخبار الذكريات معاكي ايه ولا زهايمر زى زياد.
+
تعالت ضحكات ذكرى قائله
+
=ولا يهمك يا نور..أنا أه اسمي ذكرى واسم علي مسمي..بس بدأت أنسي كتير… احنا كبرنا البركه فيكم بقي يا شباب.
+
رفعت ثريا سبابتها بغرور قائله
+
=لااا…اتكلمي علي نفسك … أنا لسه شباب..والحمد لله يا أوختي مش مجوزه زيك…الجواز بيقلل الذاكرة ..وكويس اني معملتهاش.
+
ابتسمت ذكرى بحزن قائله
+
=أنا أصلا حاسه اني سنين عمرى عدت زى الحلم…كلنا بنتمني حد يقولنا ان ده حلم.
+
ثم رفعت أنظارها الي نور تسأله
+
=..انت مثلا يا نور …مش نفسك في كده…؟انت و اخواتك…الا اذا كنت مواعد حد بالجواز…يبقي هنا بقا حابب تكون كل حياتك حقيقه…انت ايه رأيك.
+
وعندما اندهش من سؤالها استطردت تضرب له مثلا بوالده قائله
+
=سراج أبوك مثلا الله يرحمه…فضلت مامتك تقوله بلاش تشاؤم و احساس انك هتموت…حتي بعد ما بقي عنده أربع عيال فضل الاحساس جواه…برأيي احنا اللي بنحدد ده باحساسنا..
+
واستكملت حديثها بنبرة حزن قائله
+
=.طب تعرف…أنا حابه أرجع الذكريات كلها…
+
نظرت لها ثريا بخبث قائله
+
=طب لو حاجه في الذكريات مش كويسه هترجعيها برضه؟.