+
=وما واجهت وش ليه أحسن؟
+
رد حليم بسخرية قائلا
+
=ما انت عارف ده بيطلع سره بالعافيه…بس برضه اللي مضايقني من عم خطاب السبب فيه …بابا.
+
ضرب نور كفيه قائلا
+
=أقولك ايه بس…أنا نفسي تعبت…بس بابا السبب في ايه معلش؟.
+
واستطرد بحيره قائلا
+
=..اللي أعرفه انه كان مشارك عم خطاب وفض شركاته علشان شاكك انه طمعان فيه.
+
هز حليم رأسه بالسلب قائلا
+
=لا…اللي حصل ان أمي اتهمت عم خطاب انه حاول يعتدي عليها…بقت تزيح كل واحد ما بينها وما بين بابا…خليته مجرد من أهله.
+
واستكمل حديثه يأسي قائلا
+
=.. حتي انتم …لأنها كانت عارفه ان ماما ثريا حامل… و في كل مرة كان بيجن وعايز يرجع كانت لتقوم باختراع أي حاجه والهدف تعطيله.
+
اغتصب حليم الدموع في عينيه وأبي أن تهبط دموعه ليحزن نور علي حاله ويردد قائلا
+
=خلاص يا حليم…انت كبرت وانت ابن ثريا…لحد ما جه اليوم اللي عرفت بمحض الصدفه انك ابن واحد تانيه…بابا ملوش ذنب يا حليم…وعم خطاب كمان.
+
وتابع نور بحزن قائلا
+
=..بابا كان راجل زى أي راجل نفسه يكون أب…كان حاسس انه عمره قليل…وكمان بابا كانت خبرته قليله…لكن انت برضه مقولتش ليه انت أخدت موقف من عم خطاب…وبابا السبب ليه..؟