+
=..والله العظيم أوعدك ان أبعد عنه وعن ألعايبه…أنا هدافع عن حبي لأخر نفس…بس الا ميارا أنا أموت من غيرها.
+
زفر نور بحنق قائلا
+
=انت هتعيط زى الحريم…أنا عايزك تتفهم الموقف اللي احنا فيه وتقدر القرف اللي احنا داخلين عليه.
+
هز زياد رأسه بتفهم قائلا
+
=ماشي مقدر… بس برضه ميارا مراتي وهتفضل مراتي…أنا هعمل المستحيل علشان تعرف اني مليش ذنب
+
واستطرد يقرر قائلا
+
=..ودخلتي عليها الشهر الجاي في الميعاد اللي حددته أنا وهي…ما فيش الغاء…الا لو مت.
+
وخرج زياد من المكتب لا يهمه شئ حتي طرده من العمل لا يهمه المهم بالنسبه له هي ميارا فقط …نظرت ثريا الي نور بذهول علي ردة فعل زياد الغير متوقعه ليبتسم نور اليها سألته ثريا قائله
+
=حليم هيرضي بيه بعد اللي حصل…ده لما لاحظ ان خطاب نظراته ليا وحشه اتجنن…أنا قلقانه أوى…خايفه بجد.
+
ربت نور علي كتفيها قائلا
+
=ماما أنا بطمنك متقلقيش…بس ابعدي عن كل ده دلوقتي,…ده هيخلي حليم ياخد حقنا تالت ومتلت…هو بيفضل انك تكوني بعيد.
+
واستطرد يترجاها قائلا
+
=..علشان خاطره أرجوكي.
+
تنهدت ثريا قائله
+
=يعني أسيبه يواجه كل ده لوحده؟
+
ابتسم نور بثقه قائلا
+
=ماما لما حليم يطلب حاجه لازم نثق فيه…لكن لو مسمعناش كلامه الدنيا هتبوظ…كمان دي أمه.