+
=ماما أنا هعمل كل حاجه في سبيل اني مش عايز أشوفك بالمنظر ده…بس لو لسه في أسرار تاني قوليها..مش هينفع نفضل مخبين حاجه علي بعض وهي تيجي تهز جدور الثقه ما بينا وتقولها..
+
واستطرد يزم شفتيه يأسف قائلا
+
=.للأسف هي قالتلي علي حاجه كنت حاسس بيها وانتي غلطتي مقولتيهاش و غلطتي أكتر لما قعدتيه في شغلنا…عارف ان كلامي قاسي عليكي وانه مش يصح أحاسبك بس لازم أقوله.
+
وتابع يترجاها قائلا
+
=..أرجوكي الراجل ده لازم يمشي من هنا…و أهو زياد بداله…وهو لو حاول يبقي معاها مبقاش حليم اما رميته في الشارع من غير بيت ولا زوجه ولا ابن.
+
ثم نهض علي عجاله قائلا
+
=عن اذنكم عندي ميعاد مهم.
💚💚💚💚💚💚💚💚💚💚💚💚💚💚
#موكا_سخر_الروايات نوفيلا #حب_خلق_بدايه
+
بعد انصرافه مسحت ثريا علي وجهها قائله
+
=أنا غبيه…كنت مفكره انه اتصلح و بقي كويس…ازاي جايله قلب يتأمر معاها ضد مرات ابنه…و ازاي الزفت زياد ساكت و مكمل و بيضحك علي ميارا
+
ثم نهضت تعاتب نفسها قائله
+
=….وأنا ازاي أوافق علي جوازتها منه و أبوه طعني زمان وخلي سراج يتجوز عليا و ممكن يكون السبب في موته.
+
واستطردت بألم قائله
+
=مفكرتش انه ممكن يرجع يطعني تاني…قالي انتي زى أختي و أولادك دول اولاد أخويا…وأنا بعبطي صدقته..