رواية حب خارج ارادتي الفصل الثاني 2 بقلم هند ايهاب (الرواية كاملة)

رواية حب خارج ارادتي الفصل الثاني 2 بقلم هند ايهاب

عيوني وسعت، وحسيت بخنقه لقُربه من واحده غيري.

أول ما دخل عيونه جت عليّ، ابتسم وقرب مني وهو مازال ماسك أيديها، فضلت عيوني متثبته على أيديهُم.

بص لها وبعدين بص لي وقال بأبتسامه:

– هند، أعرفك رغده

مديت أيدي بعد ما حاولت أرسم الابتسامه وقُلت:

– أهلاً وسهلاً أتشرفت بيكي

ابتسمت وقالت:

– أنا أكتر

قعدوا وقال:

– بقيتي بتيجي هنا من ورايّ

بصيت لها وبعدين بصيت له وقُلت:

– مش لوحدي

ضحك وقالت:

– تميم بيحكي لي عنك دايماً يا هند، شكلكوا صُحاب من زمان

هزيت راسي وقُلت:

– دي حقيقه أهالينا صُحاب وجيران من زمان

هزت راسها وبعدين قال:

– مُختفيه بقالك فتره ليه!!

ابتسمت وقُلت:

– متشغلش بالك

– أزاي يعني!! أنتِ كويسه!!

هزيت راسي وقالت:

– أيه رأيك لما ندخُل سينما!! بيقولوا في فيلم حلو أوي

هز راسه وبص لي وقال:

– ما تيجي معانا!!

بصيت لها لقيتها أتضايقت، بصيت له وقُلت:

– مره تانيه ان شاء الله

رجعت بصيت لها، حسيتها فرحت، قاموا عشان يمشوا، سندت راسي على الأزاز وبصيت ناحية الشارع، أو بمعني أصح بصيت عليه، كانوا بيضحكوا، كانوا زي أي أتنين الناس تتمني تبقى زيهُم.

اتنهدت تنهيده وجعت قلبي، فضلت عيوني عليهُم لحد ما أختفوا.