_ ترك كريم الشطيرة من يدهُ ثم حدق بها متسائلًا :
– لأ عرفيني إزاي ، واضح إن قُصي أثر فيكي الفترة اللي فضل فيها جمبك ، وأثر تأثير واضح جدًا
كارمن وقد تجهم وجهها : لأ ، ميعرفش حتى أنا بعمل إيه ! وحتى لو أثر فيا .. فيها إيه ؟
مش كفاية وقفتهُ جمبي بعد موت بـ ….
_ هذه الحقيقة المؤلمة التي باتت گـالسكين في ظهرها ، لا تصدق حتى الآن إنها فقدت أغلى شئ في حياتها.. تجمعت الدموع في عينيها وراحت تقول بصوت مقهور :
– بابي كان عندهُ حق دايمًا وانا اللي كنت غلطانة ، حُبي كان عاميني ومكنتش شايفة قد إيه قُصي وفي وبيحبني حتى لو كانت طريقتهُ في التعبير غلط ، ياريتني سمعت كلامهُ مكنتش أي حاجة من دي حصلت .. مكنتش هخسر أبويا !
كريم وقد شعر بالشفقة على حالها : كارمن أهدي ، أنا مش جايبك عشان أنكد عليكي .. سيبك من الموضوع ده و….
كارمن وهي تقاطعهُ بحسم : لأ ، مش هسيبني من حاجة ، خلاص الواقع ده أتفرض عليا وبقيت من غير أم وأب ، متخلينيش عايشة من غير أخ ياكريم ، أنا مبقاش ليا غيرك
كريم وقد آلمهُ قلبهُ وأستشعر وغزات قوية تقتحم فؤادهُ : كارمن ، أنتي أغلى حاجة ليا في الدنيا ، عمري ما هتخلي عنك أو أسيبك تقفي في وش كل ده لوحدك .. لكن حقي أوجهك يانور عيني، متخليش كرهك يحولك لإنسانة معرفهاش وغريبة عني ، أنا كل ده ساكت عشان لسه مفوقتيش من غيبوبتك .. لكن لازم تخرجي منها وتعرفي إن اللي راح مش هيرجع مهما انتقمتي
كارمن : على الأقل هرتاح ، سيبني على راحتي