_ أخرجت بطاقات دعوة صغيرة من جيب بنطالها ، ثم بسطت يدها إليها وهي تقول بتحمس شديد :
– دي تذاكر لبورتو السخنة ، هنطلع أول الأسبوع ونرجع بعد ٤ أيام
كارمن وقد أرتفع حاجبيها بذهول : إيـه ! هنـطلع ؟
مين قال إني طالعة؟
نهاد وهي تحدجها بإزدراء : نـعـم ياحببتي ! هتطلعي ورجلك فوق راسك ، كل الشلة طالعة وحجزنا الـ tickets ( تذاكر ) خلاص
كارمن وهي تفرك طرف ذقنها بتردد : مش عارفة هقدر ولا لأ ، كمان كريم كان عايزنا نسافر الأسبوع الجاي وكدا هكنسل ( هلغي ) معاه
نهاد وهي تفرك كفيها بحماسة وشغف : معايا tickets زيادة خليه ييجي ، ونولعــها بقا
_ أبتسمت كارمن وقد لمع برأسها فكرة إصطحابهُ معها ، فعضت على شفتيها بتحمس وهي تقول :
– خلاص هقول لكريم وأشوف كده
نهاد وهي تغمز لها بعينيها :طالما ضحكتي يبقى الحكاية فيها ريـو ، ولا إيـه ؟
كارمن وهي تخفض رأسها بخجل : بس يانهاد ، ويلا بقى عشان تعبانة جدًا وعايزة أروح
_ تحركت إثنتاهم لمغادرة الجامعة الأمريكية ، حيث أستقلت كارمن سيارة شقيقها الذي حضر خصيصًا لإصطحابها .. بينما غادرت نهاد بمفردها عقب أن قادت سيارتها للإبتعاد عنهم .
…………………………………………………………..