– صدقيني ده اللي هيحصل ، وانصحك انتي كمان تهربي
كارمن وهي تنظر حيالهُ : ريان لسه عنده أمل إننا ممكن نتجمع في يوم ، أنا مبقتش عارفة أعمل إيه ؟ بقيت وسط نار .. بابا وريان
كريم وقد تقوست شفتيه بإعتراض : جاي أشكيلها همي ، راحت مشيلاني هي همها !
كارمن : همنا واحد ومشكلتنا بقت تقريبًا واحدة
_ أرادت أن تترك لشقيقها بصيص أملٍ ، فأبتسمت رغمًا عنها وهي تقول :
– بس لو الظروف اتحسنت ، هكون أول واحدة تقف معاكم وهعرف أقنع ريان كمان
كريم بنبرة يائسة : ماشي ياكارمن ، كله على اللّه
…………………………………………………………..
_ لملم ريان هذه الأوراق المتناثرة أمامهُ على الطاولة .. ثم وقف ليرتدي سُترتهُ ، بدت على ملامحهُ الجمود وهو ينظر لهذه المستندات التي يكمن بها براءة والدهُ .. هو يعلم حجم الخطأ الذي أرتكبه ، ولكنه لا يقوَ على مشاهدتهُ ينهار ، حتى قطع شروده رنين هاتفه .. فأجاب عليه و…. :
– أيوة ، طمني ، أمنت كل حاجة ؟ أنا مش عايز حاجة غلط في الموضوع .. تمام ، تخلص اللي قولتلك عليه وتمشي مش عايزك تظهر قدام القصر ، طيب سلام
_ أغلق هاتفه ، فوجد إتصالًا آخر من المحامي الخاص بوالده ، فأجابهُ و… :