………………………………………………………..
( أخوكي ضرب أختي بالنـار )
_ كانت هذه هي العبارة التي صرخ بها ” كريم ” في وجه ” تاج ” التي لاتزال غير مصدقة ما حدث .. كادت حدقتيها تخرج من محجريها من شدة إتساعها ، أصابها الخجل من حديثهُ ومما فعلهُ شقيقها .. فنطقت بحرج :
– مش عارفة أقولك إيه ؟
كريم وهو يلوح بيده : أخوكي أتجنن خلاص من ساعة ما أبوه دخل السجن ، وكان زماني باخد العزا في بابا ! شايفة تصرفاته الغبية ؟
تاج وهي تعض على شفتيها بتبرم : كريم ، متنساش إنك بتتكلم عن أخويا برضو
كريم بنبرة مستهزئة : سلامات ياأخوها
تاج وهي تعقد ساعديها سويًا بإعتراض : أصلًا باباك هو السبب في اللي حصل لبابا
كريم وهو يبتسم بسخرية : لو مكانش أبوكي ماشي شمال من الأول مكنش ده حصل
_ ضربت تاج سطح الطاولة الخشبية ، فـ أنسكب مشروب العصير على ملابسها وهي تزعق به :
– قولتلك خلي بالك من كلامك عن أهلي
_ نظرت بإزدراء لملابسها التي تلوثت بفعل هذا المشروب البرتقالي ، ثم رفعت بصرها نحوه من جديد
وهي تنهض لتقول :
– بابا محبوس بقاله أسبوع ، ورد فعل ريان كان في لحظة غضب وانت عارف هو أد إيه بيحب كارمن .. أنا ماشية ، وعلى فكرة دمك بقا تقيل أوي اليومين دول