_ أرادت الفتاتان بالمرح والمزاح معها .. فقامت يسرا بترديد أغنية شهيرة للمطرب ” عمرو دياب ” وتفاعلت معها نهاد بجو من البهجة و…….
– يوم ما اتقابلنا اليوم ده هفضل مش ناسيه
– أنا أنكتبلي أحلى قصة حُب فيه
كارمن وقد أشتعلت غيظًا من سخريتهم : إنتوا أتفقتوا عليا بقى
ريان وهو يدنو من خلفها دون شعورها : روما ، لازم نمشي عشان بابا محتاجني دلوقتي
كارمن وقد تنغض جبينها وهي تلتفت لمواجهته : دلوقتي!
ريان وهو يشير نحو ساعة يده : حياتي الساعة ١١ ونص ، يعني مش بدري أوي يعني .. معلش هعوضهالك ، وعد
كارمن وهي تهز كتفيها بإستسلام : طالما فيها وعد يبقى خلاص
_ ألتفتت برأسها مرة أخرى لتوديعهم بحرارة ، ثم تحركت بصحبتهُ للإنصراف ..
غادرا القاعة سويًا ليهبطا الدرجات الرخامية البيضاء بهدوء ورويّه .. حيث كانت ترتدي كارمن حذاءً ذي كعب عالِ جعل حركتها بطيئة ، بينما أنخفض بصر ريان لقدميها وهو يردد
– تحبي أشيلك لحد العربية ؟
كارمن وقد أرتفع حاجبيها بذهول وهي تبتعد عنه خطوة : لأ
ريان وهي يقهقه على مشهدها الذي أثار ضحكهُ : خلاص انا مجيتش جمبك ، هانت .. كلها شوية وتلاقيني قاعد مع بابا وبنتفق على كُل حاجة
_ فرك كفيها بحماسة شديدة ثم همس لها بنبرة أخجلتها