_ أستند على الأرضية لينهض ، ثم بدأ بتنظيف ثيابهُ التي تلوثت بالغبار .. وقفت بعض السيارات لترى هل هناك حادث ما فيستطيعون اللحاق به أم ماذا؟
ولكنه أشار بيديه وهو يقول :
– تسلموا يارجالة ، نجاملكو في الحوادث
كارمن وهي تحدق فيه بإستغراب : بتقول إيه !
ريان وهو يلتفت ليواجهها : بصي ، متكلميش معايا عشان انتي اللي غلطانة
_ أتسعت حدقتيها وهي تحدجه بحنق شديد ، بينما أنتبه هو للون عينيها الخضراء .. والتي ظهرت في الظُلمة الكالحة وكأنهن ماستين خضراوتين ، فأبتسم بلطف وهو يقول
– أنتي صحيح حلوة وزي القمر ، بس ده ميمنعش إنك بوظتيلي الموتوسيكل ومش هعرف أروح النهاردة
كارمن وقد تلوت شفتيها بإستهجان : أحسن
_ أستدارت كارمن بجسدها لكي تستقل سيارتها من جديد وتترك المكان ، ولكنه سار صوبها مسرعًا بتعرج حتى يمنعها من إستقلال سيارتها و….
– انتي هتسيبيني هنا لوحدي ! المفروض توصليني
كارمن وهي تحدجه بإستغراب : هو انا أعرفك عشان أركبك عربيتي!
ريان وقد عبست ملامحه بضيق مصطنع : متخافيش انا غلبان مبعملش حاجة ، ويتيم وأمي متوفية من عشر سنين ومحروم من حنان الأم و….
كارمن وهي تقاطعه ليتوقف عن الثرثرة : بس ، أنت هتحكيلي قصة حياتك !
ريان وهو يغمز لها بعينيه : مش يمكن لما تعرفي حكايتي أصعب عليكي وتقعي في غرامي
كارمن وقد أنفرجت شفتيها بذهول : غرامك ! باين عليك شارب حاجة ياأما فاكر نفسك نيكولاس كيدچ ( ممثل أجنبي)
ريان وهو يستند على سطح سيارتها : نيكولاس ! شكلك بتحبي أفلامه صح ؟
كارمن وهي تجذب باب سيارتها بعنف : أوعى من قدامي ياكابتن
ريان وقد أنقعد ما بين حاحبيه : كابتن ! لأ أسمي ريان ، بيقولولي ياروني
كارمن وهي تتعمد إهانتهُ حتى يبتعد عن طريقها : ليه ! كلب ؟
ريان وقد تبدلت ملامحه المرحة لأخرى عابسة : فعلًا أسم الكلب بتاعي ، الله يرحمه بقا