_ خطوات سريعة منها لتكون خارج حجرة المكتب .. بينما وقف هو قليلًا ، يحاول أن يُفيق حالهُ من سحرها الطاغي عليه .. غرز أصابعهُ في رأسه وبين خصلات شعرهُ وتمتم بخفوت :
– أنتي لعنتي ، ولازم أخلص من اللعنة دي
_ أمسك هاتفه الموجود بـ جيب بنطالهُ ، ثم طلب أحدهم و…. :
– أيوة يادادة لطيفة ، من فضلك متعرفيش كارمن إني كلمتك .. واسمعي اللي هقولك عليه كويس
……………………………………………………………
_ أغرق كفيها تقبيلًا .. وفاضت عينيه بشوق جارف لها وهو يقول :
– وحشتيني أوي ياتاج .. بقالي عشر أيام مشوفتكيش
تاج وهي تجفل بصرها بخجل منه : وانت كمان ، طمني عملت إيه في السفر!
كريم بنظرات عاشقة : سيبك من الشغل ومن أي حاجة ، أنا ماصدقت شوفتك وكمان صدفة
تاج وهي تطرق رأسها بحزن : أنت عارف ان ريان حذرني أقابلك ، ولولا إني شوفتك بالصدفة دلوقتي مكنتش هتشوفني
كريم وهو يزفر أنفاسهُ بـ اختناق : عارف ، النهاردة أكيد هلاقي حل مع كارمن .. لازم اكلم معاها لما أرجع
تاج وهي تنظر حولها بإرتباك : طب انا لازم امشي ، السواق زمانه مستنيني بره وعارف انا بخلص تدريب أمتى
كريم وهو ينظر لساعة يده بإنزعاج شديد : أنا ملحقتش أقعد معاكي .. ده انا جاي من السفر على هنا على طول عشان أشوفك
تاج وهي تنهض عن جلستها : معلش ياحبيبي ، بكرة تتعوض