– تاج ! صباح الخير ياحببتي ، صاحية بدري على غير العادة يعني !
تاج وهي تتفحص هيئتهُ الجذابة : wow ، متشيك ورايح فين كدا
_ أستنشقت رائحة عطرهُ التي فاحت في المكان ، ثم أغمضت عينيها بتنغم وهي تتابع
– ال perfume بتاعك فظيع ياريان ، أعترف .. أكيد الحكاية فيها كوكي صح !
ريان وهو يجذب طرف أذنيها بلطف : ماانتي لماحة أهو ياصغنن
تاج وقد أنعقد ما بين حاجبيها بضجر : متقوليش ياصغنن دي ، خلاص انا كبرت ياريو
ريان : مش عليا ياصغنن ، هتفضلي طول عمرك الكائن الصغنن في نظري مهما كبرتي
تاج وهي تتشبث بذراعه بدلال : طب يلا تعالى وصلني الجامعة بالعربية الجديدة بتاعتك ، البنات كل ما بيشوفوك معايا بيقعدو يحسدوني .. لدرجة إن في واحدة عايزة ترتبط بيك تخيل !
_ غمزت له بنصف عين ثم تابعت
– بس قولتها مش فاضي وواقع لشوشته
ريان وهو يطلق تنهيدة هائمة : واقع بس ! سيبيني أروح أشوف شوشتي ، قصدي أشوف كارمن
تاج وقد تنغض جبينها بإنزعاج : يعني مش هتوصلني!
ريان وهو يسحب ذراعه منها ممازحًا إياها : أوعي بس شوية كدا ياشاطرة عشان مش فاضيلك ، ورايا معاد ومش عايز أتأخر
تاج : طب وصلني لتحت!
ريان وهو يخفض بصره نحو قدميها : ليه مشلولة !
_ أستمعا لصوت قهقهات مايسة وهي تقترب منهم ، حيث راق لها مداعبة الشقيقين سويًا وراحت تندمج معهم و….