– مبروك ، بس حتة الأرض اللي خدتيها مكنتش مهمة أصلًا بالنسبالي ، ولولا إنك أتبعتي أسلوب رخيص فـ إنك تاخديها أنا مكنتش هسيبهالك Congratulations ( مبروك )
كارمن وهي ترسم بسمة مزيفة على مبسمها : الأسلوب الرخيص هو اللي أتبعهُ والدك من البداية عشان ياخد الأرض ، كان ممكن المزاد يمشي بشكل رسمي وقانوني .. لكن لما عرف إن المزاد هيرسى على بابا هو اللي أختار الطرق الرخيصة من انا
ريان وقد توهج جسدهُ وزادت سخونتهُ من فرط الإنفعال : مرة تانية لو جيتي مكتبي ، ميكونش معاكي ضيف مرفوض بالنسبالي
قُصي بلهجة عدائية وهو يشير إليه محذرًا : أحفظ أدبك ، أنا ساكت لأني في… شركتك
ريان وهو يصيح فيه بإنفعال : أديك قولتها ، شركتي .. يعني أدخل فيها اللي عايزهُ واطرد اللي عايزهُ ، أطلع بــرا
كارمن وقد أرتفع صوتها : مش من الزوء تطرد ضيوفك ، وخصوصًا لو ناس تبعي ويخصوني ، وكمان جايين معايا
ريان وهو يضرب بقبضتهُ على سطح المكتب : أنا لما قولتلك تيجي مقولتش تجيبي حد تبعك ياهانم
كارمن وهي تتعمد إثارة غيظهُ أكثر : ده مش مجرد حد ، إحنا خلاص هنكون واحد .. اللي بتطردهُ ده هيكون جوزي ومقبلش حد يهينهُ
ريان : …………
_ ليتها غرزت سكين نصلهُ تلم بقلبهُ ، بدلًا من قول هذا أمامهُ .. كُل ما مضى عليهم كان شيئًا ، وما هو قادم شيئًا آخر ، كيف تجرأت على ذلك؟ .. هل كان جرحها غائرًا لـحد يسمح لها بتعذيبهُ كُل هذا القدر !
تماسك بقوة .. ووزع نظراتهُ بينهم ، بينما كانت نظرات قُصي نظرات شامتة عدوانية .. برز فيها الحقد ، أعتدل ريان في وقفتهُ ، ورفع رأسهُ بشموخ قبل أن يردد :