– أنا عندي شغل كتير ياأستاذ ريان ، وكدا آ….
ريان وهو يقاطعهُ مشيرًا بيدهُ : ربع ساعة كمان ولو مجتش المعاد كلهُ هيتلغي يامتر
_ طرقت السكرتيرة باب القاعة طرقات خافتة قبيل أن تدلف للداخل ، ثم أخفضت رأسها بتهذيب وهي تتابع :
– محامي آنسة كارمن جـه يامستر ريان
ريان وهو يضع الغليون خاصتهُ جانبًا : خليه يدخل
_ ولج المحامي ممسكًا بحقيبة جلدية سوداء ، ومن خلفهُ ظهر قُصي بتعابير وجهه الباردة .. تحول وجه ريان للحُمرة الفاقعة واتسعت عيناه عن آخرها وهو يراه أمامهُ ، فنهض بحركة متشنجة وهو يقول بصوت مرتفع :
– أنت بتعمل إيه هنا ؟
قُصي وهو يبسط ذراعيهِ في الهواء : business is business
ريان وقد خالج الغضب صوتهُ الثائر : مفيش بيني وبينك شغل ، ولو جاي عشان تاخد الأرض يبقى معنديش أراضي
محامي كارمن : ممكن تهدا ياريان بيه
ريان وهو يشير نحوهُ بـ إحتقار : لما الشئ ده يطلع برا شركتي هابقى أهدا
_ أخيرًا ظهرت كارمن .. خطفت نظرة للجميع ثم قالت بهدوء :
– sorry على التأخير ، ياريت نبدأ بسرعة لأننا مش فاضيين
ريان وهو يُحيد ببصرهُ عنها : لما البتاع ده يطلع بره
كارمن وهي تتظاهر عدم الفهم : أنا مش شايفة مشكلة من وجود أكبر شريك في مجموعة km بينا النهاردة ، وياريت نتمم إجراءات البيع من غير عطلة