– كارمن ! أنا كنت لسه جاي ليكي
كارمن وهي تتقدم من المقعد المقابل لمكتبهُ : ليه؟
قُصي وهو ينظر لساعة يده : كنت هعزمك على الفطار بره ، محتاج أتكلم معاكي كتير
كارمن وهي تفرك جبهتها بتفكير : خليها بعدين ، أنا جيالك في شغل
_ جلس قبالتها وتفحص ثنايات وجهها المرهق ، ثم قال بشئ من التذمر :
– أنتي منمتيش كويس أمبارح ؟
كارمن وهي تومئ رأسها بالإيجاب : فعلًا ، المهم .. مشروع الوحدة السكنية اللي قدمتهولي أنا موافقة عليه ، لكن هنعمله على أرض تانية غير اللي رشحتهالي
قُصي بفضول شديد : فين ؟
كارمن بثقة شديدة : الأرض اللي أخدها طاهر من بابي في المزاد بالرشوة ، هرجعها ليا النهاردة
قُصي بعدم تصديق : أنتي بتكلمي جد؟ إزاي ده حصل ؟
كارمن : أكيد مش بهزر
_ نهض قُصي عن جلسته وجلس نصف جلسة على حرف الطاولة ليكون أقرب إليها .. وبجرأة معهودة منه سحب كفها ليطوقهُ بأصابعهُ الدافئة وقال بإعجاب :
– إنتي مُذهلة ! بجد فاجئتيني
كارمن وهي تحاول أن تسحب كفها من بين يديه : شكرًا
قُصي وقد ضايقهُ جفائها : كارمن ، أمتى هتحني عليا ، أمتى هتديني فرصة ؟ أمتى؟
كارمن بتردد : قريب ، متستعجلش
قُصي : أنا هموت من الأنتظار ، بقالك كتير بتوعديني
كارمن وهي تخفض بصرها بخجل منهُ : قُصي ، انت أكتر حد عارف الفترة اللي مريت بيها قد إيه كانت صعبة
قُصي وهو يهز رأسهُ بتفهم : عارف ، بس مش عارف أصبر نفسي أكتر من كدا .. سامحيني
كارمن وهي تجبر نفسها على الإبتسام : حاضر