وعقب أن أتم ” قُصي ” مهمته ونفذ ما يريد ، أسرع بسيارته ليكون هو في المقدمة ..
بينما توقف ريان بسيارته محدقًا في أثرهُ .. فقد تفهم بسهولة نيته الواضحة في الظهور أمامه بهذا الوقت على وجه الخصوص .. قبض على عجلة القيادة وكأنه يود بشدة لو يدمرها بين قبضتيه الآن ، ولكنه كبح غضبهُ ثانيةً .. فهو يود التنفيث عن هذا الغضب بالطريقة التي تُشبع رغبته بالإنتقام .. وليست أي طريقة تقوم بذلك ..
…………………………………………………………
_ كانت ” تاج ” تسير حافية القدمين فوق الحشائش الصغيرة النابتة في حديقة القصر ..
بدا عليها الحزن الشديد وهي تُحدثهُ في الهاتف ، حتى أن صوتها ظهر وكأنها على حافة البكاء وهي تقول
– أنا مكنتش متصورة إن الموضوع هيوصل بينهم لكده ! إحنا موضوعنا كل مادا ما بيتعقد ياكريم ، أختك مش هتتنازل وانا كمان عارفة ريان كويس لما بيحط حاجة في دماغهُ خلاص
كريم وهو يصدر تنهيدة متألمة من أعماق صدرهُ : أنا رأيي نصبر شوية ياتاج .. كارمن لو سمعت بس إني لسه على علاقة بيكي هتقلب الدنيا
تاج وقد برزت ضحكتها الساخرة والتهكمية : ده على أساس إن ريان لو سمع بس إن ليا علاقة بأخو كارمن ، اللي هي بقت عدوته اللدودة ومبيطقش يسمع حتى أسمها هيسكت!
كريم : أسمعي ياتاج ، أنا عايزك تبعدي عن أخوكي اليومين دول ومتحتكيش بيه خالص ، لحد ما الموضوع يتنسي شوية