– لو الهانم بتاعتك مش فاضية آ….
كارمن وقد ظهرت أمامهُ من خلف المُربية : أدخلي انتي يالطيفة
_ تحركت لطيفة بهدوء بينما وقفت كارمن بثبات شديد تحدجهُ بنظراتها المفترسة .. فبادلها هو بنظرات أكثر عدائية ، دس يدهُ في جيب بنطالهُ وأخرجها وقد حوت هذه البطاقة المطوية التي وُضعت وسط الزهور ..
رفعها أمام عينيها وهو ينطق مستنكرًا بصوت صارم
– أعتبر إن البداية من عندك ؟
كارمن وهي تهز رأسها بالنفي : لأ ، البداية جت منك .. وعليك تتحمل كُل النتايج ، كُل اللي خسرته بسببك هرجعهُ تاني
ريان وهو يتعمد الضغط على جرحها المفتوح ليزيد من آلامها : وهتقدري ترجعي أبوكي من الموت كمان !
_ كان صائب الرميِّ على الهدف ، فقد لمح وميضًا حزينًا سيطر على عينيها اللاتي تثبتت عليه بحدة ..
رأى وقع ذلك عليها وتبدل ملامحها الحزينة لأخرى أشد عداءً ، فـ أجتهدت لتمنع ظهور وهنها لتنطق بإنفعال طفيف
– حتى ده هاخد حقهُ منك ، هتدفع تمن كل اللي حصل
_ أسقط البطاقة على الأرضية ونظر نحوها .. أقترب خطوة واحدة حتى لمس نعل حذاؤه عتبة القصر ، فأشارت إليه وقد تشنجت تعابير وجهها
– رجلك متخطيش جوه قصري !
ريان وهو يشير إليها بسبابته محذرًا : بلاش تدخلي حرب انتي مش قدها ، وهتكوني الوحيدة الخسرانة فيها